Voksa FC

God jul frå banemennene!

Av Kristoffer Strand 24.12.13
.............................................................................................................................

Ikkje nok med at graset på bana veks og blomane spirar på sjølvaste julaftan, men graset er også framleis nesten like grønt som det var i somar.

-Ein treng jo ikkje reise til Thailand i jula lenger når temperaturen tilseier shortsvær her i noreg! Sa ein fornøgd banemann 1 før han legg til at banemann 2 har gjort ein fremragande jobb med å halde graset grønt.

-Eg veit ikkje heilt kva han har gjødsla med, men funkar det gjær det! God jul alle raude!

______________________________________________________________________________

Flagget er borte!

Av Kristoffer Strand 03.08.13
.............................................................................................................................

Alt var klart kvelden før grilldagen skulle sparkast i gong på Voksa Stadium, netta var oppe, graset var klippet både med klipper og saks, hjørneflagga var kommen på hjørnestengene og flaggstanga sto endeleg loddrett att. Banemennene sto oppe på haugen og speida utover anlegget ein siste gong, og då, då fekk dei auge på at flagget mangla!

Skuffa kvar flagget har sin kvileplass vart opna, banemennene leita rundt i ho, men flagget var ikkje der! Skuffer vart reven opp, skåp vart opna og innhaldet vart snudd på hovudet, men flagget var borte!

Torsdagen kom og det var perfekt flagg vind på Voksa, men nedanfor flaggstonga sto det to banemenn og kleia seg i bakhovudet. Klubbdirektør Kristoffer Strand kalla inn til eit krisemøte med banemennene og idear som å lage eit provisorisk flagg av genseren til banemannen vart diskutert utan hell.

Dag vart til ettermiddag, grillen var varm og Voksa Stadium opna for gjestar, men flagget var og forblei borte. Trass eit bortkomen flagg vart det eit vellukka arrangement kor supporterar og spelarar fekk snakka og grilla saman før sesongens første trening vart gjennomført. Som nemnt tidlegare trur klubbdirektøren dette er eit arrangement ein kan byggje vidare på til neste år, og han lovar på vegne av leiinga og banemennene at til da er flagget komen til sitt rette.

-Leiinga og banemennene ser på denne hendinga som svært alvorleg og vi skal ha eit nytt møte i slutten av august kvar temaet vil være det forsvunne flagget. Der vil vi diskutere kva vi skal gjære om flagget ikkje blir funnet, skal det investerast i nytt eller skal vi prøve å kontakte den lokale kunstnaren som mala det førre som ei billigare løysning? Vel ikkje veit eg, akkurat no fokuserast det på å finne flagget. Det som ikkje er brent eller stålen kjem til sitt rette før eller seinare, sa ein snakksam men irritert klubbdirektør.

VFC Nett vil kome tilbake med meir om denne saka straks det skjer noko. Har du sett høyrt eller lukta noko om denne saka, så ta kontakt på 93261120!

______________________________________________________________________________

Voksa-veka 2013: Dag 2 og 3!

Av Kristoffer Strand 24.07.13

..............................................................................................................................

Tre inhaldsrike dagar med hardt arbeid er no omme og sjølv om bana ikkje er heilt klar enda så er det jammen ikkje lenge før! Om bana blir ferdig i tide er det ingen andre en banemannen som veit, VFC Nett har ikkje lukkast i å få tak i han dagen før dagen, så da får vi berre vente i spenning!

Dag to og tre har stort sett gått med til å henge opp nett bak målet på sørenden og vedlikehaldsarbeid på måla. No ser det endeleg ut til at måla er tette og fangnettet bak fangar endeleg ballar. Flaggstonga er også reist til banemannens store glede.

Sjølv om arbeidsflyten stort sett har vore 5 minutt arbeid og 1 times tenkning, har framgongen vore overraskande bra. Ellers er 6 hjørneflaggstenger kommet i jorda, 21 m brei og 25,5 m lang vart bana til slutt. Skal ein gå etter international standard, blir bana i minste laget.

- Er ikkje bana stor nok får dykk kome å sprenge ut sjølv! seier banemannen i velkjent stil.

I morgon brakar det laust, men i følge banemannen er det framleis mykje som må fiksast før alt er klart. Det vart gjort ei bestilling av noko blytaug i dag som kjem i morgon, dei skal festast nede langs heile fangnettet, bana skal finklippast og kanskje til og med vatnast. Ellers så skal bord og stolar bærast på plass, forsyningar handlast inn, og først da er alt klart!

Så da er det berre å glede seg, dette blir bra!

Voksa-veka 2013: Dag 1!

Av Kristoffer Strand 22.07.13

..............................................................................................................................

Da var den første dagen vel klippet og dugnadsanda ser ut til å ha komen for å bli på Voksa Stadium. Her ser du ein kort time lapse som viser litt av det som gikk føre seg på anlegget i dag.

Endeleg kom godvêret og klipparar i alle størrelsar og fasongar har svirra i eit sett på Voksa Stadium i dag. Målet for dagen var å fjerne mest mogleg "ugras" rundt stadionanlegget og sjølv om det framleis er ein lang veg og gå før anlegget er klart til bruk, kan ein snart sjå lyset i tunellen.

Målet på nordenden av bana vart også reist og er no komen i god jord. Kristoffer Strand og Thomas V. Bringsvor har enno ikkje komme fram til ei god løysing på kvisleis nettet bak skal "festast" til jorda, men er sikker på å finne ei løysing i løpet av morgondagen. Ellers så gikk tida med på å ta ned nettet bak målet på sørende (eller rettare sagt det som var igjen av det), og det vart gjort klart til å henge opp eit nytt og betre nett. Grunnen er at det gamle nettet var veldig slitt, og det var av eit notlin med små masker noko som gjorde den til ein flott vindfangar. Det førte til mykje slitasje både på pålane som heldt nettet oppe og nota sjølv. Derfor kjem den nye nota til å bli med større masker, noko som også gjer den lettare å handtere når ein skal heise nettet opp og ned.

Ellers ser klubben fram til ein ny dag med nye muligheiter.

Morgondagens program:

- Få opp nettet bak målet på sørenden.

- Klippe ferdig kantar

- Banemannen skal luke ugras rundt stengene.

- Finne ei løysing på nettet til målet på nordenden.

Målet er å stå støtt!

Av Kristoffer Strand 15.07.13

..............................................................................................................................

Den i utgangspunktet "geniale" ideen skulle vise seg ikkje å vere så genial likevel, så no ligg målet på North Stand og forfell.

Då Voksa Stadium først vart tatt i bruk, vart det bygd eit fotballmål på sørenden av stadion. Det vart slått godt ned i jorda slik at det skulle tåle både "vær" og vind. Vind har det tålt, for til og med Dagmar var innom på eit vått besøk utan å lykkast, men når det kjem til "vær" eller sauer har det ikkje gått like bra. (Meir om dette kan du lese i sjølvbiografien til målet i sør med navnet "Målet i sør" som kjem ut denne hausten.)

Det tok ikkje lange stunda frå det første målet var sett opp før mål nr 2 var under planlegging. Dette skulle ikkje berre vere eit alminneleg fotballmål, men målet var å lage eit mål som var solid nok til å kunne flyttast rundt utan å stikke stengene ned i jorda. Grunnen til at det skulle være flyttbart var etter oppfordring frå banemannen: - Viss målet er flyttbart, kan ein flytte rundt på det, var beskjeden. Kjenner ein banemannen og les mellom linjene så meinte han eigentleg at: Er målet flyttbart, så sparer ein underlaget for slitasje ved å flytte rundt på det.

Målet vart ferdig og såg ikkje så aller verst ut. Flyttbart var det òg, men flytta rundt vart det ikkje. Målet vart ståande på staden kvil og graset vart oppsparka akkurat som banemannen hadde spådd. Grunnen var nemleg at målet vart for tungt og upraktisk anlagt til å kunne flyttast.

Målet har kollapsa fleire gonger grunna vind og "vær", men det har også blitt sett opp igjen. Over tid har dette tært på treverket og då vinden no i vår bestemte seg for å trekke eit andedrag, trakk målet det siste.

Sidan da har målet blitt liggande og gitt VFC-leiinga ekstra hovudbry, men no har klubbdirektør Kristoffer Strand og resten av leiinga fått nok.

- Denne gongen blir ikkje kjeppane stukke i hjulet, men i jorda! sa ein prega klubbdirektør.

Det går også rykter om at det skal avholdast dugnad på Voksa Stadium i sommar, men dato og stad er i følge klubbdirektøren ennå ikkje avklart.

Mykje nytt!

Av Kristoffer Strand 17.04.13

..............................................................................................................................

Er det lenge sida du har snusa rundt her på sida? Da er det kanskje på tide! "Spelarstallen" har endeleg blitt offentleggjort, du finn han om du klikkar deg inn på "Sesongen" i hovedmenyen. Les du denne saka reknar eg med at du alt har teke turen innom "Smånytt" og ikkje minst "Anlegget på Voksa"? Medlemstalet aukar stadig, så den lista finn du inn på "VFCSC".

Her på sida vil det også kome nye, kanskje ikkje så høgtidlege, men spennende saker som gjer at dykk får eit betre åsyn i kva klubben driv på med til ei kvar tid. Så er du spesielt interessert eller berre nysgjerrig, kan det være lurt å klikke innom denne sida ein ofte gong iblant!

Banen var for "kul" i påska

Av Kristoffer Strand 08.04.13

..............................................................................................................................

Påska kom tidleg i år, og sidan Kong Vinter ikkje klarte å sleppe taket i tide, vart påska ei humpete affære for dei som møtte til den første uoffisielle treningsøkta på Voksa Stadium.

Vêret var upåklageleg og vinden hadde gått i ly, og mens nokre av VFC sine spelarar var opptatt med å springe raskast på sju toppar, gjennomførte brødreparet Lasse og Kristoffer Strand årets første trening på Voksa Stadium. Det vart ei humpete oppleving på delar av bana, og ifølge brødreparet må nok frosten sleppe taket, graset byrje å gro og ikkje minst må ein få ei godkjenning frå banemannen sjølv før ein kan spele skikkeleg fotball på Voksa Stadium.

VFC Smånytt kjem tilbake med meir straks graset gror.