Voksa FC

Sesongen 2012/13 har så langt har vore ein innhaldsrik sesong både på og utanfor bana. Set vi det sportslege i fokus har klubben så langt deltatt i to cupar; ÅVK Summer Games og SR Grendacup. Forventningane var skyhøge før årets deltaking i ÅVK Summer Games etter fjorårets suksessrike andreplass i turneringa, men klubben fekk fort bakkekontakt att og enda på tredjeplass i gruppa og kunne med det reise heim att to fergeavgangar tidlegare enn planlagt. Mange vil kategorisere cup-prestasjonen som den svakaste i klubbhistoria og var allereie gløymd da SR Grendacup stod på programmet.

Omlag ein månad etter fadesen på Eidså reiste Voksa FC kjerringa og gikk til topps i SR Grendacup 2012! VFC viste gode takter gjennom heile turneringa og Magne keeper trong ikkje hente meir enn ein ball ut av nettet. Dermed tok Voksa FC sitt første trofe i klubbhistoria og det utan sin kjære kaptein Anders Bringsvor.

På grunn av flyttinga av Grendacupen til august i 2012, kom både denne og 2013-utgåva innunder sesongen 2012/2013. SR Grendacup 2013 gjekk av stabelen laurdag 30. juni 2013, og denne gongen gjekk det dessverre ikkje like godt som året før. Uavgjort mot Kvamsøy over to kampar gjorde at det heile skulle avgjerast på straffer. I sin første straffesparkkonkurranse i klubbhistoria, makta ikkje VFC å forsvare vandrepokalen.

Midt i sesongen deltok Voksa FC i Umbro5Cup i Sunnmørshallen. To dagar før jul i 2012 prøvde klubben dermed noko nytt. God motstand og respektabel innsats av laget gjorde hendinga til det ein kan kalle ein suksess, sjølv om ein gjekk hovudstups ut av turneringa med braktap i første sluttspelskamp.

Alt i alt har det vore ein ustabil sesong, men dei dårlege prestasjonane kjem i skuggen av måten VFC reiste seg og vant SR Grendacup 2012. Under finn du oversiktleg oversikt over kampar og resultat denne sesongen.

_____________________________________________________________________________________________________________________________

_____________________________________________________________________________________________________________________________ 

_____________________________________________________________________________________________________________________________