Voksa FC

Nyheitsarkivet

(Foto: Åram/Vankam FK)

Tap i semifinalen

Av Eirik V. Bringsvor 28.12.13
...........................................................................................................................


Det vart tap i semifinalen av open klasse i Castrol Cup for Voksa FC i dag, etter gruppesiger takka vere to sigrar, ein uavgjort og godt spel.

Det vart ein flott sportsleg opptur og spelarane var godt nøgde med dagens innsats då VFC gjekk ubesigra gjennom gruppespelet, men dessverre måtte gi tapt mot god motstand i semifinalen. Sjølvsagt var det ikkje utan dramatikk denne gongen heller, men dei største skandalene møtte ikkje opp. Klubbleiinga erklærte allereie då sluttspelplassen var eit faktum, at avgjerda om å melde laget på i open klasse var eit sjakktrekk. Og denne genistreken resulterte i at Voksa FC gjekk vidare frå gruppespelet for første gong i klubben si Castrol Cup-historie.


Voksa FC stilte med denne troppen:
1 Magne H. Olsen, 6 Elias G. Strømsnes, 9 Eirik V. Bringsvor, 11 Thomas V. Bringsvor, 14 Kristoffer Strand, 20 Lasse Strand

Kampane var som følger:
Voksa FC - The Red Devils 2-2
Mål VFC: Elias G. Strømsnes, Eirik V. Bringsvor
Kampen: Voksa FC kom bakpå to gongar, men klarte å svare begge gongane mot eit varierande, men angrepsfarleg lag beståande av gutar med ein gjennomsnittsalder nokså lik vår eigen. Debutant Elias G. Strømsnes kom rett inn frå benken etter to minutts spel og sette den første utlikninga i nettet. Mot slutten sørga Eirik V. Bringsvor for det som var eit viktig poeng i kampen om avensement.

Voksa FC - Inter 1-0
Mål VFC: Eirik V. Bringsvor
Kampen: Heroisk laginnsats og defensiv kløkt var mykje av grunnen til at ein kunne stikke av med alle tre poenga mot det internasjonale Inter. Den same Bringsvor som i første kamp scora kampen sitt einaste mål då han tok i mot ballen med ein mann i ryggen, vendte opp og plasserte ballen i hjørnet.

Krokedal - Voksa FC 1-2
Mål VFC: Eirik V. Bringsvor, Thomas V. Bringsvor
Kampen: Begge laga var klare for vidare spel allereie før kampen, og ein spekulerte i om laga faktisk like gjerne ville tape kampen på grunn av utfallet i den andre gruppa og dermed aktuell motstand i semifinalen. Men VFC såg sitt snitt til å utnytte mangel på motivasjon hos motstandaren. Likevel verka det som Krokedal prøvde, men rett og slett ikkje var gode nok. Eirik V. Bringsvor sende VFC opp i leiinga, før "heimelaget" utlikna ikkje lenge etterpå. Kampens og kanskje dagens flottaste VFC-mål var det Thomas V. Bringsvor som fekk æra av å putte. Etter godt kombinasjonsspel vendte han bort ein motspelar før han finta keeperen ned i hjørnet for så å setje ballen høgt ved motsett stolpe.

Semifinale: Voksa FC - Pondus 1-4
Mål VFC: Thomas V. Bringsvor
Kampen: Dagens beste motstandar og dagens nest beste lag i open klasse skal ein tru utfallet i finalen. Voksa heldt lenge følgje, men då ein kom under med 2-1 og skulle opp og fram for å utlikne, vart det slik som det ofte blir; motstandaren kontra inn både eit og to til. Utlikninga til 1-1 var det Thomas V. Bringsvor som sørga for då han skaut i lengste hjørne frå 10-12 meters hald. Merkelege dommaravgjerder gjorde ikkje saken enklare for raudtrøyene, men alt i alt vart det tap for eit betre fotballag.
________________________________________________________________________________________

 

Før cupen: Castrol Cup 2013

Av Eirik V. Bringsvor 28.12.13
...........................................................................................................................


Første VFC-kamp på ganske nøyaktig eit halvt år er berre timar framføre oss. Som vanleg har det vore mykje styr fram og tilbake for å få på plass nok spelarar. Seinast i går kveld skjedde det mykje i så måte. Ingen veit om det også vil skje noko minutta og sekunda før avspark. Dette er status per no.

Den siste veka, etter den skjebnesvangre avgjerda om å melde laget på årets Castrol Cup, har det som seg hør og bør til tider vore dramatisk på Voksa Stadium. Utgangspunktet for troppen var fem spelarar inkludert eit par halvskada og småsjuke. Difor har ein gjort forsøk i å knyte til seg nye fjes. Meir om denne komitragedien kan vi ta ein annan gong.

I går tok leiinga avgjerda om å prøve å få tillatelse til å bruke Vegar Prozenko, sjølv om han skal spele for eit anna lag. Sidan dette laget er i aktiv-klassa og VFC i open klasse, trudde ein at dette var i orden. Men ikkje overraskande frå den kanten, fekk leiinga avslag frå arrangøren. Merkeleg. Dermed var plan C øydelagt. Heldigvis lukkast ein seinare på kvelden i å overtyde Elias Grande Strømsnes frå Sandsøya om at det er speletid å få hos det synkande skipet. Han blir heldigvis med.

Og dette er heller ikkje nokon dårleg spelar, så alt i alt er dagen på langt nær redda. Likevel er det opptil fem spørjeteikn i resten av troppen.

Keeper Magne H. Olsen er verken skadeplaga eller sjuk, men uttrykte under onsdagsøkta mistillit til seg sjølv på grunn av zalotendensar. Klubbleiinga er derimot ikkje det minste i tvil om at han vil finne seg til rette under fire tak, og reknar med storspel som alltid.

Skaptrønder Thomas V. Bringsvor påstår at han ikkje har trena på eit halvt år, noko som i seg sjølv er alarmerande. Kvalitetssikkert er det ikkje, men at han har noko å bidra med - om ikkje anna i alle fall når moglege scenario før siste gruppespelskamp skal finreknast - er heva over einkvar tvil.

Treningsidiot Eirik V. Bringsvor har vore eit av dei sikraste korta før cupen, men har på urutinert vis prestert å dra på seg eit illebefinnande i halsen takka vere våryr galskap både høgt og lågt dei siste tjuefire timane.

Kontaktperson Lasse Strand fekk tidlegare i veka dispensasjon til å delta fordi han eigentleg er ein dryg månad for ung. Har slite litt med sjukdom den siste tida, men er klar for fight. Blir å rekne som ein joker mot vonleg tunge og trege motstandarar.

Medskuldige Kristoffer Strand var sterkt innblanda i det fatale styremøtet som førte til påmelding trass i at han både på dåverande og noverande tidspunkt er sterkt råka av kronisk lyskestrekk. Har erklært seg sjølv som "puttar". Lovar å bruke beina til å stå på, men vil elles bruke andre kroppsdelar til ballkontakt.

Nysigneringa Elias G. Strømsnes kom inn i troppen etter andre tolvte time i går. Er ein av to som tilbringte ein time og tjuesju minutt med kunstgras under beina og hundretusenvis av kilometer over hovudet i går, men er vonleg ikkje råka av noko som helst helsemessig. Sportsleg er dette ei forsterking av laget.

Første kamp er mot laget The Red Devils klokka 14.08. Deretter ventar Inter 15.25, før eit eller anna sannsynlegvis skal avgjerast mot Krokedal kl. 16.46.

________________________________________________________________________________________


Romjulsnøtter!

Av Lasse Strand 25.12.13
...........................................................................................................................


TV redaksjonen i VFC vil no dei neste 6 dagane frå 26.12.13 legge ut Romjulsnøtter. Det vil komme ei nøtt kvar dag klokka 19:00. Nøttene vil vere relatert til jula, og dei som greier å finne løysningsordet er med i trekninga om ein ikkje heilt ukjend premie. Vil du vite meir? Følg med på morgondagens nøtt da vell! 

-Dette blir spanande. Eg blir jo nøtt til å følge med seier Lasse i ein kort komentar.

Plana var at første nøtt skulle kome allereide fyrste juledag, men etter voldsomme tekniske problem under opplastinga, såg TV redaksjonen seg nøtt til å utsetja konkurransen med ein dag. Det vil sei at siste nøtt kjem ut på sjølvaste nyttårsaftan istaden for løysninga. Nøttene blir å finne midt ned på framsida!

Spelereglane:

Spelet er enkelt, det kjem ei nøtt kvar dag i 6 dagar. Finn du rette svaret på alle nøttene vil du ende opp med løysningsordet som inneheld 6 bokstavar. Skjemaet med oversikt over nøttene finn du i eiga fil øvst i denne saka.

Last den ned slik at du har oversikt. Når du veit løysninga så sender du løysningsordet til voksafc@hotmail.com med namnet ditt og adressa til kvar du bur. Da er du med i trekninga av eit flott VFC krus (ikkje eit båtkrus). Dykk har frist til neste år, altså 01.01.14 med å sende inn svar og vinnaren vil bli annonsert 02.01.14. Er det noko du lurar på så ta kontakt på 93261120 eller send oss ein straumpost.

Lykke til!

________________________________________________________________________________________


Rett skal vere rett

Av Eirik V. Bringsvor 25.12.13
...........................................................................................................................


Arrangøren av Castrol Cup har gjort seg stor flid i eit omfattande reglement i samband med årets utgåve av turneringa. Blant dei mest kontroversielle punkta er regelen om at keeper uansett ikkje kan kaste ballen direkte i mål. På Voksa er frykta stor for at dette vil ta ifrå laget eit viktig våpen.

Som du kanskje hugsar gjorde VFC seg bemerka under 2011-utgåva, då keeper Magne Hauge Olsen teikna seg på scoringslista ved å kaste ballen frå eige felt og i motstandaren sitt mål. Merkeleg nok skriv arrangøren i førehandsomtalen til cupen at Voksa FC er eit nytt lag i Castrol Cup. Gløymt er dermed både denne hendinga og dei totusen kronene klubben har lagt att fordelt på dei to åra...

I år er det tydelegvis viktig å finlese reglane. Fleire endringar sidan forrige gong VFC var på tur sørover er gjort. Kamplengda er auka til 10 minutt, keeper må kaste ballen etter den har vore ute av spel og keeper kan kaste over midten, men kan altså ikkje kaste direkte i mål. Elles SKAL ballen touche sidelinja ved innspark og i sluttspelet vert det ved uavgjort etter 10 minutt spelt ekstraomgang på 6 minutt der første målet vinn og laga startar med fire spelarar inkludert keeper og ein må ta ut ein spelar for kvart andre minutt. Altså kan ein risikere at laga spelar ein-mot-ein (+ keeper) dei siste to minutta. Scorar ingen av laga i løpet av ekstraomgangen, vert det straffesparkkonkurranse med ei og ei straffe til kvart lag.

________________________________________________________________________________________


Kamoppsettet klart!

Av Lasse Strand 24.12.13
...........................................................................................................................

Store nyhende nådde i går fram til søre luten. Voksa FC fekk nemleg  informasjon om kampoppsettet for Castrol Cup 2013 som no er endra og klart. 

Der fekk dei beskjed om at dei mellom anna skulle møte ein av dei Internazionale stormaktene innan fotball, nemleg Inter. Det ser ut til at Voksa FC har havna i ei tøff gruppe kvar blodslit og det å sckåre eit mål meir enn motstandaren vil bli den einaste måten å klamre seg vidare på i den knallharde konkurransen.

Etter mykje om og men har kampoppsettet for åpen klasse på Castrol Cup 28. desember 2013 endeleg komme ut.  Åpen klasse er også kjend som «old boys-klassa». For Voksa brakar det heile laus klokka 14:08 laurdags formiddag. Då blir det kamp mot «The Red Devils». Deretter er det «Inter» som skal settjast på prøve, før det til slutt blir avgjerande gruppespelskamp mot «Krokedal» klokka 16:46. Om da eventuelt Voksa FC skulle fleske til å gå heile veien, så blir det finale klokka 18:05. Om desse tidene stemmer overens med fergetidene er framleis usikkert, men la gå.

Gruppespel Carisma F2:
14:08      Voksa FC   - The Red Devils
15:25      Voksa FC     - Inter
16:46      Krokedal   - Voksa FC

Semifinalar:
17:19 CF semi Vinner CF 1 - 2.plass CF 2
17:30 CF semi Vinner CF 2 - 2.plass CF 1

Finale:
18:05 CF finale Vinner kamp - Vinner kamp

Førehandsomtale av lag og spelarar til årets Castrol Cup er også offentleggjort på arrangøren ÅVK si heimeside, her under finn du kva omtalar Voksa FC fekk. Det ryktast også at VFC har fått med seg eit talent frå naboøya. Fleire omtalar av lag finn du også på http://www.aavk-fk.no

OVERRASKELSEN: Voksa FC. Eit nytt lag i Castrol Cup som var lovlig seine med påmelding av lag. Denne gjengen består av mykje ung gutar frå Sande og omegn som vi trur kan overraske stort.

VOKSA FC: Påmeldt av en ung kar ved namn Lasse Strand. Spelarar som Magne Olsen, Thomas Bringsvor og Kristoffer Strand er med. Dei har fortsatt nokre spelarar som er usikre, så vi er spente på dette laget. Har alikevel spelarar med brukbart nivå i fotballsamanheng, og vi trur dei kan nå langt i turneringa. 

TALENTET: Eirik Bringsvor (Voksa FC) Denne 94 modellen frå Kvamsøya har dei siste åra spelt for Hødd sitt juniorlag og Hødd 2 i 3. divisjon. Ein spelar som har ro med ballen og eit bra blikk for spelet. Vil garantert vise seg fram på årets turnering.

________________________________________________________________________________________



BREAKING NEWS! -Lasse fiksa biffen.

Av Kristoffer Strand 23.12.13
...........................................................................................................................

Etter eit vel blåst styremøte den 22.12.2013 kvar det vart diskutert både laust og fast, kom ideen så godt som heilt ute av det blå om å prøve melde Voksa FC på Castrol Cup 28.12.2013!

Etter at klubben i fjor valgte Umbro5cup framfor Castrol cup ser det no ut til at Castrol cupen er tilbake på menyen. Påmeldingsfristen til til cupen gjekk eigentleg ut 10.12.2013, men styret i klubben bestemte seg så og sei like vel prøve lykken. Lasse Strand tok på seg ansvaret med å ringe ledelsen av arrangement og etter mykje om og men er det no klart at Voksa FC blir å finne til start i Olivinhallen 28.12.13.

Kampoppsettet var allereie spikra og låg ute på nettet, 10 lag hadde meldt seg på i aktiv og 7 i åpen klasse. Siden aktivklassa gjekk opp med partal fann styret ut at det var betre odds å prøve åpen klasse, men det gjekk sjølvsagt ikkje utan dramatikk. Det har seg nemleg slik at reglane for åpen klasse er at troppen ikkje kan innehalde meir enn 2 aktive spelarar som spelar seniorfotball.

Aldersgrensa er 16år, men etter litt diskusjon fekk Lasse Strand ordna med dispensasjon til Lasse Strand slik at Voksa FC muligens blir nok spelarar. Ja for det har seg nemleg slik at rett etter at laget var påmeldt, kom det store spørsmålet; er vi nok spelarar? Vel, det ser ut til at Voksa FC går nok ei hektisk jul i møte, så heng med i nissesleden for her er meir!
________________________________________________________________________________________

       

Umbro5Cup...

Av Kristoffer Strand 21.12.13
...........................................................................................................................

For den som framleis lurar! Det blir ikkje Umbro5Cup i år.

I fjord for for snaue eit år sidan deltok Voksa FC for fyste gong i Umbro5Cup som vart arrangert i Sunnmørshallen i Ålesund. Det vart ei positiv oppleving for klubben som tok seg heilt til kvartfinala, og planen om deltaking også i 2013 vart lagt der og då. Lite visste leiinga då om at det siste dei hadde sett av Umbro5Cupen. For det har seg nemleg slik at cupen ikkje er å finne på Umbro5 si heimeside denne jula. Uvisst er det også om cupen nokon gong kjem til å bli arrangert i Sunnmørshallen igjen.

-Det er sjølvsagt keisamt for spelargruppa at det ikkje blir noko, men slik er det det er som været, man rår ikkje med det. Sa ein skuffa, men samanfatta klubbdirektør Kristoffer Strand.

Kva som skjer vidare no er enno høgst uavklara, men noko blir å skje i jula og det ryktas at leiinga i klubben skal møtast til eit aldri så lite høgtideleg styremøte dagen før dagen før dagen (altså 22.12.13). Så hald deg oppdatert!
________________________________________________________________________________________


Digitalt medlemsblad

Av Eirik V. Bringsvor 21.12.13
...........................................................................................................................


Siste utgåve av medlemsbladet Voksa-patrioten er no ferdigprodusert. For å spare klubbøkonomien, har supporterklubben beslutta å distribuere bladet til medlemmane digitalt. Den nye sida "Medlemsbladet" under "VFCSC" i toppmenyen er passordbeskytta og kun for medlemmar. Her er bladet å finne som PDF-fil, slik at ein kan lese det anten på PCen, nettbrettet, mobiltelefonen eller what ever. Informasjon om endringa, samt passord, vert sendt ut til alle som er medlem. Dei som ynskjer det, kan likevel få tilsendt bladet i papirform slik som før.


Hovudgrunnen til endringa er sparing av blekk i trykkeriet, noko som har vore ein stor utgiftspost sidan første utgåve sommaren 2011. Vi veit at medlemmane beherskar digitale maskiner i varierande grad og at det kanskje ikkje gir den same godkjensla å lese eit blad på skjerm, så difor er det ope for å trykke opp bladet for dei som veldig gjerne vil ha eit papir å halde i. Desse ber vi om å ta kontakt med oss.

I denne utgåva får du eit tilbakeblikk på sommaren si storhending på Voksa, nemleg Voksa-veka, i tillegg til eit skråblikk på VFC TV og eit historisk tilbakeblikk på julehøgtida som VFC-tid. Konkurransen i dette nummeret er VFCSC sine eigne og spesialproduserte julenøtter - ei utfordring for einkvar skalle! 
________________________________________________________________________________________


Kva skjer?

Av Eirik V. Bringsvor 01.12.13
...........................................................................................................................

Ingenting. Det er det ærlege svaret. I alle fall inntil vidare. Men fortvil ikkje. Ingenting varer evig.

Movember månad bar ingen frukter for Voksa FC, verken bartsleg eller sportsleg. Sidan publiseringa av sending nummer ni frå VFC TV, har det vore stille som grava sjølv om dei siste vekene har bydd på fleire heftige stormdagar. Men innanfor dei fem veggane på Voksa Stadium er det vonleg heilt motsett.

Om det er stille før stormen eller eitt minutts stillheit for det som ein gong var, vitast ikkje. Ser ein historisk på det, er det grunn til å vente på ei kunngjering frå Voksa FC med tanke på kva julesprell som står på programmet i år. Den litt negative trenden dei siste månadane, med lite aktivitet både her på nettsida og i klubben generelt, gjer likevel at mange nok er bekymra for om det skjer noko denne jula i det heile teke.

Tidlegare år har VFC som kjent delteke i Castrol Cup på Åheim (2010 og 2011) og i Umbro5Cup (2012). I følgje både spelarar og klubb fekk sistnemnde cup best skussmål, og er såleis mest truleg til å stå på tapetet i år. Men om cupen vert arrangert, er det ingen som veit. Enno. Kanskje.
_____________________________________________________________________________


Haust og pengelaust

Av Eirik V. Bringsvor 24.10.13
...........................................................................................................................

Det har allereie gått tre månader sidan den suksessfulle Voksa-veka sist sommar, og den svale vinden som då bles over klubben er ikkje slik som den var. Om den har auka, avteke eller berre kjem frå ei litt anna og ikkje så behageleg retning vitast ikkje, men uansett er det liten tvil om at klubben er inne i ei turbulent tid.

Ringverknadene etter pengebruken under Voksa-veka har sett djupe spor i ei allereie botnskrapt klubbkasse. Rykta vil ha det til at ei aldri så lita finanskrise har råka kontorlokala på Voksa Stadium. Hendingane i sommar har vorte etterfulgt av ingenting, med unntak av VFC TV-sendinga denne månaden, noko som har fått dei som vanlegvis fylgjer med på kva som skjer innanfor Voksa FC sine fem veggar til å lure på om framtida i det heile vil bringe noko som helst.

Av gamal vane er det nærliggande å tru at det føreligg sportslege planar for slutten av desember månad, men om det faktisk blir hendelege hendingar er det ingen som veit. Ikkje på noverande tidspunkt. Dagleg leiar Eirik Voksøy Bringsvor kan ikkje love noko som helst. - Planen er å legge ein plan i løpet av dei komande vekene, seier han i ein lynkjapp kommentar til VFC Nett før han legg til at supporterane ikkje må fortvile. - Det er ikkje første hausten utan noko som helst, poengterer han, og siktar til det faktum at Voksa FC si storheitstid tradisjonelt sett er sommar og vinter (jul).

Så er det store spørsmålet kvar alt det utanomsportslege klubben har å by på tek vegen vidare. Som nemnt har TV-redaksjonen oppsummert sommaren 2013 gjennom sendinga si for eit par veker tilbake. Elles har det vore lite aktivitet her på nettsida den siste tida. Kanskje tek dette seg opp no når det nærmar seg høgtid. Supporterklubben melder at krav om betaling av medlemskontingenten er sendt ut til alle innmeldte. Rykta seier at klubbleiinga gav ordre om å sende ut desse no i eit forsøk på å redde økonomien frå total kollaps. Kanskje er det eit verkemiddel ein burde ta i bruk litt oftare?

Vonleg har supporterane framleis mykje godt i vente som valuta for kontingenten. Per no er det høgst usikkert om medlemsbladet Voksa-patrioten kjem ut før som planlagt og i vanleg form. Dette tiltaket har vorte ein stor utgiftspost for klubben, og ein spekulerer i om det vil kome endringar. - Vi i VFCSC vil i nærmaste framtid gjere ei grundig heilheitsevaluering for å stake ut løypa vidare og gjere produktet så godt så mogleg for både klubben og medlemmene, uttalte ansvarleg redaktør Eirik Voksøy Bringsvor nyleg. Men fortvil ikkje - Voksa FC er ikkje ein klubb som vert liggande for lenge.
_____________________________________________________________________________


VFC TV 9 denne veka!

Av Kristoffer Strand 15.10.13
...........................................................................................................................

Skal ein tru rykta denne gongen kan VFC TV sending nr. 9 bli å finne offentlig allereie denne veka, men det er ikkje berre fryd og gammen om dagen i VFC TV-redaksjonen! Etter ein særdeles stille periode, ser det no endeleg ut til at haustværet kjem feiande med eit og anna på menyen. Stemmer rykta denne gongen blir det action allereie til helga, da det ser ut til at VFC TV 9 har premiere fredags kveld rundt kl 20:01.

Det er no snart eit år sidan sist sending med VFC TV, og spørsmål som; blir det kun laga ei sending i året, vil redaksjonen nokon gong nå 10 sendingar? Det har duskregna rundt klubben denne hausten. Vi (VFC Nett) tok kontakt med leiaren for TV-redaksjonen Kristoffer Strand for å klare opp i saka. Der var svaret kort og konkret: 

-Tja.. Nei... 

Og med det er vi like uvitande som før, men ein ting er klart. Held den nedgåande utviklinga med antall sendingar fram, blir ikkje sending nr. 10 å finne på lerretet før om rundt to år! VFC Nett gjekk til klubbdirektøren med desse tala for å høyre hans syn på saka:

-Eg var ikkje klar over at tala var så negative. Eg ser ikkje anna råd enn å forsøke å muntre opp tala slik at dei blir positive att. Nei, men vi får ta eit lite oppgjer innad i klubben saman med redaksjonsgruppa. Høyre om vi er kome til eit vegkryss, kor den eine vegen er blokkert av ein fjellvegg og den andre fører vidare, sa klubbdirektør Kristoffer Strand.

Vel, ein positiv ting er i alle fall at sjåartalet har auka med ti frå sending 7 til 8 så satsar vi på at auken held fram slik at ein kan nå gamle høyder. Det blir også spanande å sjå kva for veg TV-redaksjonen og klubben velger vidare, går dei kvar til sitt kan det bety slutten for VFC TV!

Har du endå ikkje sett VFC TV sending nr.
 8 finn du han i linken under eller i menyen oppe på sida under "VFC TV".



 
 
 
Make a Free Website with Yola.