Voksa FC

SR Grendacup 2012

Velkommen til SR Grendacup 2012!

...............................................................................................................................................................................

Oshaugane Stadion på Sandsøya laurdag 11. august kl. 12.30

Året 2012 er eit jubileumsår for Sandsøy IL på fleire måtar. Idrettslaget fyller i september 40 år, og i april var det 30 år sidan Oshaugane Stadion vart opna. I høve dette arrangerer vi uhøgtidleg fotballturnering for dei nærmaste bygdene arrangementet vart i fjor innhaldsrikt både på den eine og andre måten, og vi satsar på strålande sol og mykje folk i anlegget også i år!

Bane 60x40 meter - sjuarfotball - kampar à 1x15 minutt

Diverse aktivitetar for små og store på bana elles - konkurransar, merketaking osv.

Om kvelden spelar Steinar Engelbrektson Band på Rosenlund

...............................................................................................................................................................................

.........................................

DELTAKARLAG AKTIV-KLASSA

Voksa FC • Kvamsøy • Larsnes

...............................................

DELTAKARLAG OLD BOYS-KLASSA

Sandsøy • Kvamsøy

...............................................................................................................................................................................

Samleside for alle nyheitsartiklar om cupen:

Her finn du alt som har vorte skrive om SR Grendacup 2012!

Førehandsstoff

Av Eirik V. Bringsvor 11.08.12

.....................................................................................

Så er dagen komen - i dag går den omfattande fotballturneringa SR Grendacup av stabelen på Oshaugane Stadion på Sandsøya! Etter lang tids planlegging, og kortare tids gjennomføring av planar, er endeleg det meste på plass, og alt ligg til rette for ein artig fotballdag. Oppmøte er såleis obligatorisk, og arrangøren kan lokke med diverse aktivitetar og visuelle godbitar i tillegg til kampane som skal avviklast.

Laurdag 11. august har vi sett fram til i lang tid. No er dagen komen. Fokus for ein slik dag må då vere å gripe augneblinken for alt den er verdt, og gjere dagen til ein dag vi seint vil gløyme.

Samanlikna med fjorårets relativt suksessrike Grendacup, er årets utgåve ein del større. I år stiller to old boys lag, Sandsøy og Kvamsøy, til dyst i tillegg til tre lag i aktiv-klassa. Desse er i år Larsnes, Kvamsøy og Voksa FC. Dermed blir det seks kampar totalt. Elles på bana er det lagt opp til diverse aktivitetar av ulikt slag. Bordtennis, minifotballbane, blinkvegg og merketaking er verdt å nemne.

Denne gongen har det også vorte sett opp eit telt, der det vil bli vist film langs med cupen. Det er i hovudsak eigeprodusert VFC TV og tilbehør, men også nokre klipp frå baneopninga i Oshaugane frå 1982 er med i totalpakken som TV-redaksjonen har sydd saman. I teltet vil det også vere mogleg å kjøpe medlemsbladet VFCSC ved å melde seg inn i supporterklubben. Arrangementsstaben har også rigga til ei kombinert speaker-bud og filmetårn. Dermed vil det vere musikk på høgtalaranlegg, speakerteneste og filming av det aller meste av det sportslege. Kiosken vert også vidopen frå start til slutt, som vanleg.

Laga vart denne veka omsider bekrefta. Eit kampoppsett er sjølvsagt klart, men endringar er ikkje å sjå bort i frå. Dette oppsettet vart publisert for deltakarlaga:

Tid Kampnr. Klasse Lag

13.00 01 Aktiv Voksa FC – Larsnes

13.30 02 Old boys Sandsøy – Kvamsøy

14.00 03 Aktiv Larsnes – Kvamsøy

14.30 04 Old boys Kvamsøy – Sandsøy

15.00 05 Aktiv Kvamsøy – Voksa FC

15.40 06 Finale, aktiv Nr. 1 Aktiv – Nr. 2 Aktiv

Oppsummering

Av Eirik V. Bringsvor 12.08.12

....................................................................................

Det var arrangørlaget og øynaboane i sørvest som stakk av med vandrepokalane då årets fotballturnering for dei nærmaste bygdene vart avvikla i Oshaugane på Sandsøya i går. Arrangementet må seiast å vere ein suksess, sjølv om ein nok kunne tenkt seg meir publikum i det strålande vêret. Alt gjekk uansett knirkefritt arrangementsmessig, og ikkje minst; Voksa FC tok heim sin første tittel i klubben si hittil tre år lange historie!

I kampprogrammet til cupen stod det skrive: "Gullet ska' hem!". Og slik gikk det, i alle fall delvis. For i old boys-klassa måtte "heimelaget" Sandsøy ta til takke med ein heiderleg andreplass etter at oppgjeret mot Kvamsøy måtte avgjerast frå straffemerket. Der var forresten kvaliteten imponerande høg, då berre eitt forsøk ikkje gjekk i nota - og dette gjekk endåtil i tverrliggaren og ned på streken før ballen spratt ut att. Nokon av spelarane meinte at ballen var over streken, men film frå VFC TV viser at så ikkje var tilfelle. Dermed skal vandrepokalen for old boys-klassa overvintre på Kvamsøya.

Men i aktiv-klassa gjekk det vegen for "heimelaget". Voksa FC leverte solid innsats, og med berre eitt innsluppe mål var det heilt fortjent at ein gjekk til topps og tok heim sin første tittel i klubbhistoria. Denne gongen stilte VFC eit sterkare lag enn nokon gong før. Rett nok var ikkje Anders Bringsvor på laget denne gongen, sidan han skulle representere Sandsøy sitt old boys-lag. Men jammen meg dukka han opp for Kvamsøy i kampen mot Voksa FC, heldigvis til ingen nytte for dei oransje naboane. Det mest gledelege for VFC var at brørne Ingar og Vebjørn Støyle Bringsvor høvesvis debuterte og gjorde comeback med braksuksess. Vebjørn var med frå første kamp, og gjorde ein imponerande og solid innsats, medan Ingar i utgangspunktet skulle filme cupen for VFC TV. Det kribla nok i beina der han sat på taket til det som var kombinert speakerbu og filmetårn.

Før den andre kampen til Voksa FC, mot Kvamsøy, drog han heim for å hente drakt og fotballsko. Dermed gjekk han rett inn på laget. Mot Kvamsøy vart det berre nesten, men i finalen viste han alle dei eigenskapane vi veit han har, då han hjalp laget til siger med to fine scoringar. Elles gjorde Martinus Helland, austlending med familie frå Sandsøya, ein fin gjesteinntreden i forsvaret til VFC. Torstein Helland Hansen var også tilbake i den raude drakta, medan det er verdt å merke seg at Vegar Prozenko var fråverande. Duoen Sondre Voksøy og Christoffer Bringsvor, begge elleve år i år, fekk også speletid i samtlege kampar. Det er også verdt å nemne at keeper Magne Hauge Olsen var sterkt delaktig i den suksessrike og solfylte laurdagen, den 11. august 2012 - ein dag vil stå med gullskrift i Voksa FC si stolte historie.

Statistikk

...............................................................................................................................................................................

Kampfakta:

AKTIV-KLASSA: INNLEIANDE KAMPAR

Voksa FC - Larsnes 3-0

Dommar: Petter Lyshol

Larsnes - Kvamsøy 5-0

Dommar: Petter Lyshol

Mål LIL: Foreløpig ukjent

Kvamsøy - Voksa FC 0-1

Dommar: Svein Helge Bringsvor

Mål VFC: Thomas V. Bringsvor

OLD BOYS-KLASSA: FINALE - 1. KAMP

Sandsøy - Kvamsøy 1-0

Dommar: Tor Arne Bringsvor

Mål SIL: Anton Helland

OLD BOYS-KLASSA: FINALE - 2. KAMP

Kvamsøy - Sandsøy 4-3 (samanlagt 4-4, Kvamsøy vinn 5-3 på straffer)

Dommar: Tor Arne Bringsvor

Mål KIL: Runar Kvamme 3, Martin Ball

Mål SIL: Anton Helland, Kenneth Rusten, Endre Vorren

AKTIV-KLASSA: FINALE

Voksa FC - Larsnes 4-1

Dommar: Petter Lyshol

Mål VFC: Ingar S. Bringsvor 2, Kristoffer Strand, Christoffer Bringsvor

Toppscorarlister:

AKTIV-KLASSA:

2 mål

Kristoffer Strand, Voksa FC

Ingar Støyle Bringsvor, Voksa FC

1 mål

Vebjørn Støyle Bringsvor, Voksa FC

Eirik Voksøy Bringsvor, Voksa FC

Thomas Voksøy Bringsvor, Voksa FC

Christoffer Bringsvor, Voksa FC

6 mål

Larsnes (fordeling kjem seinare)

OLD BOYS-KLASSA:

3 mål

Runar Kvamme, Kvamsøy

2 mål

Anton Helland, Sandsøy

1 mål

Endre Vorren, Sandsøy

Kenneth Rusten, Sandsøy

Martin Ball, Kvamsøy

Arrangementet på Facebook

Fleire bilder i vårt fotogalleri

Sentrale dokument frå arrangementskomiteen:

Kampar og resultat SR Grendacup 2012.docx
Size : 14.91 Kb
Type : docx

Oppslag SR Grendacup 2012.docx
Size : 815.514 Kb
Type : docx

Invitasjon SR Grendacup 2012.docx
Size : 812.237 Kb
Type : docx

Invitasjon SR Grendacup 2012

...............................................................................................................................................................................

Året 2012 er eit jubileumsår for Sandsøy IL på fleire måtar. Idrettslaget fyller i september 40 år, og i april var det 30 år sidan Oshaugane Stadion vart opna. I høve dette inviterer vi i sommar til uhøgtideleg Grendacup. Arrangementet vart i fjor innhaldsrikt både på den eine og andre måten, og vi satsar også i år på strålande sol og mykje folk i anlegget!

Dato: Laurdag 11.august

Klasser: Aktiv-klasse: Old Boys-klasse:

> Spelarar over 16 år > Spelarar over 35 år

> Kan få dispensasjon > Maksimum 2 aktive spelarar

Klokkeslett: 12.30-16.00

Avvikling/reglar: Sjuarfotball med tilhøyrande regelverk

Speletid 1x15 eller 1x20 minutt

Alle spelar mot alle, deretter finale mellom dei to beste (etter tabell)

• OPEN KIOSK •

• SPEAKERTENESTE •

• FRAMVISING AV VFC TV OG BANEOPNINGA FRÅ 1982 PÅ LITEN «STORSKJERM» •

VEL MØTT!