Voksa FC

Nyhetsarkivet

Lenge sidan sist!

Av Kristoffer Strand 22.03.11
..............................................................................................................................

Det er no lenge sida det har vore aktivitet frå "vår side", men dette skuldast ein hektisk periode skulemessig - ja, vi må også prioritere skule innimellom... Ein lang vintersesong er på hell, og dette er det vi har å by på framover:
  • Du vil få ei fyldig oppsummering av sesongen.
  • Ei ny VFC TV-sending vil snart vere under planlegging.
  • Supporterklubben veks.
  • Planlegging av ein grendacup til sommaren.
  • Innkjøp av fleire drakter til dei som har bestilt.
  • Trykking av sponsor på draktene.

I tillegg vil det kome mykje meir, så heng med!


Siste sjanse for kjøp av drakt for denne gong!

Av Eirik V. Bringsvor 01.03.11
.............................................................................................................................. 

Om ei veke eller to vil VFC-ledelsen i samarbeid med supporterklubben VFCSC ta opp ei ny bestilling av drakter, denne gong med den nye houvudsponsoren Sande Rekneskap AS sin logo på brystet. Det er derfor viktig at alle som er interesserte i å kjøpe ei Voksa FC-drakt tek kontakt med klubben snarast. Det kan gjerast på e-post voksafc@hotmail.com eller telefon 99 42 28 24 (Eirik) / 93 26 11 20 (Kristoffer). Prisen vil som tidligare nemnt ligge på litt over 200 kr for drakt uten shorts med komplett trykk av namn og nummer på ryggen (klubblogo og sponsor på brystet er obligatorisk). Om du også vil ha shorts kan du få nummer på den også, og prisen for eit draktsett inkludert shorts er ca. 400 kr. Ta kontakt med klubben for meir informasjon!


VFC TV Februar 2011

Av Kristoffer Strand 17.02.11
.............................................................................................................................. 

Endeleg er VFC TV nummer tre i rekka på lufta og vi håpar at alle vil ta ein tur innom å sjå! I denne sendinga tek vi sjølvsagt føre oss den innhaldsrike kampen VFC-KIL  som vart spelt den 28.januar, men også aktuelle nyhendingar og vår faste månadens kviss. Det er viktig at du sender inn riktig svar på kvissen om du vil vinne eit flott VFC krus!

Gratulerer med dagen!

Av Kristoffer Strand 16.02.11

..............................................................................................................................  

VFC-ledelsen har fått mykje å henge fingrane i den siste tida etter som det ser ut til at bursdagar har blitt ein mote i VFC-leiren. Denne gongen er det sannsynlegvis verdas yngste manager, Lasse Strand, som har dag, og vi håpar snart at han vil ta steget opp til å bli spelar for klubben. Gratulerer med dagen!


Kjøp av drakter

Av Kristoffer Strand 15.02.11
..............................................................................................................................

Vi har fått nokre forespurnader angåande folk som er interesserte i å kjøpe VFC-drakt. Vi i VFC-ledelsen planlegger å ta ei felles bestilling i løpet av dei kommande vekene og oppfordrar dermed dei som vil ha drakter til å ta kontakt med klubben på vår e-postadresse voksafc@hotmail.com eller nå oss personleg på 93261120 Kristoffer Strand eller 99422824 Eirik V. Bringsvor.

Vi vil kome tilbake med meir info om drakt og prisar til dei som tek kontakt, og du får då sjansen til å velje kva du vil skal stå på drakta (namn og nummer).


Gratulerer med dagen!

Av Kristoffer Strand 14.02.11
.............................................................................................................................. 

VFC Nett vil på vegne av klubben gratulere dagleg leiar Eirik V. Bringsvor så mykje med sin 17-årsdag. Som kjent er datoen i dag raud, så vi håpar hovudpersonen sjølv bruker begivenhetens dag på sin kjære (klubben). Det er også viktig å nemne at sjølv om han har eit år til på ryggen, er han fortsatt ung og lovande! Vi ynskjer han dermed mange fine ”mål” framover.


VFC TV: Ny sending under planlegging

Av Eirik V. Bringsvor 11.02.11
..............................................................................................................................

VFC TV-redaksjonen kan i dag informere om at ei ny sending er under planlegging, og at filminga vil skje denne helga. Hovudsaka i dette programmet vil vere kampen mellom Voksa FC og Kvamsøy IL for to veker sidan. Du vil få sjå det viktigaste frå kampen, inkludert reaksjonar, kommentarar, og intervju. TV-redaksjonen seier at det nok vil ta litt tid før sendinga er på lufta, men at ein no vil jobbe knallhardt for å tilfredsstille nysgjerrige sjåarar. VFC Nett vil oppmode alle til å vise tolmodigheit! Programmet vil kunne vere klart rundt neste helg.


Oppdateringar: Stor og smått her på nettsida

Av Eirik V. Bringsvor 07.02.11
..............................................................................................................................

I ein ellers hektisk kvardag både i og utanfor VFC, har nettredaksjonen klart å friske opp dei ulike sidene her på VFC Nett med stort og smått. Det vi kan nemne er nye bilde frå kampen mot Kvamsøy i fotogalleriet, oppdatering inkludert "historie" på sida "Om klubben", oppstart av supporterklubben VFCSC, oppdatert adelskalender o.l på "A-laget" og litt her og litt der. Det neste på programmet er no å få på plass ei ny VFC TV-sending som denne gongen vil handle om treningskampen forrige helg. Dette tek imidlertid litt tid, pga. av for kort døgnlengde for TV-teamet osv. Vi håper at dette kjem på plass snarast! Noko anna som er verdt å nemne er quizen som vi håper å få inn fleire svar på snarast. Sjå sendinga her og send svaret ditt til voksafc@hotmail.com! Legg gjerne igjen synspunkt om saker og ting i VFC på diskusjonsforumet, slik at også vi kan forbetre oss!


Sande Rekneskapskontor AS går inn som hovudsponsor!

Av Eirik V. Bringsvor 07.02.11
..............................................................................................................................

Som mange kanskje har lagt merke til allereie, har Voksa FC no fått på plass klubbens aller første sponsor. Forrige veke vart klubbledelsen einige med Sande Rekneskapskontor AS om ein avtale som i første omgong strekkjer seg ut året 2011. Klubbdirektør Kristoffer Strand seier at han er henrykt over at SR ville gå inn å sponse klubben, utan at han vil ut med detaljane rundt avtalen.

- Det vi kan seie er at den nye sponsoren i alle fall vil få logoen på draktene i tillegg til å ha logo/link på nettsida (her altså), sa Strand i ein kort kommentar.



Oppretting av supporterklubb

Av Kristoffer Strand 03.02.11

..............................................................................................................................

Vi i Voksa FC har bestemt oss for å opprette vår eigen supporterklubb, og vi oppfordrar alle VFC-interesserte til å melde seg inn!



Lyst til å vinne eit "krus"?

Av Kristoffer Strand 02.02.11

..............................................................................................................................  

Minner om å sende inn svar på kvissen til vår nettadresse: voksafc@hotmail.com. Du vil vere med i trekninga av ei flott VFC-”krus”. Vi har allereie fått inn nokre svar men håpar også at fleire vil få fart på fingrane. Korleis vinn du? Spelereglane er enkle: Måten du vinner på er å sende inn ”rett” svar til kvar VFC TV-kviss vi lagar fram til juni. Det er kunn dei (den) som har svart rett på alle kvissane som er med i trekninga om å vinne VFC kruset. NB! Det er kunn lov til å sende eit svar per kviss.

Lykke til!


Ryktebørsen: VFC snappar Torres framfor Chelsea si nase?

Av Eirik V. Bringsvor 31.01.11

..............................................................................................................................  

I kveldstimane på overgangsvindauget sin siste dag går det rykter som varmt kveitebrød om at Voksa FC visstnok skal vere nær ved å kuppe Fernando Torres sin £50M-overgang frå Liverpool til Chelsea. Merseyside-klubben skal ha vorte svært interesserte i ein slik avtale etter dei fekk beskjed om at ein eller to VFC-spelarar kan bli ein del av avtalen.

Resultat 1.februar 2011:
Det låg lenge an til at VFC skulle snappe Torres i tolvte time og eit helikopter med hovudpersonen sjølv hadde kurs for Voksa. Men så fekk saka ei ny vending. Dagleg leiar Eirik V. Bringsvor mottok ei hastemelding frå økonomiansvarleg Aina Strand om at det var gjort ein feil i regnskapet, det var ikkje 50 000 000 kr som låg i klubbkassa, men 500… Etter at VFC hadde snakka med Liverpool-ledelsen om det nye budet var det ikkje anna en skuffelse å spore i ansiktet til både klubbdirektøren og daglig leiar. - Eit par nullar til og frå spelar vell ikkje så stor rolle, gjer det vel? sa ein meget skuffa VFC-sjef til nettsida i dag morges. Som kjent signerte Torres for Chel$ea til stor skuffelse for mange ”røde” hjerter.


Skadefronten: Forsvarsduo med skader etter Kvamsøy-kampen

Av Eirik V. Bringsvor 31.01.11

..............................................................................................................................  

Både Vebjørn Støyle Bringsvor og Vegar Prozenko måtte som kjent ut med skader undervegs i kampen mot Kvamsøy sist fredag. Begge pådrog seg skadene som følge av oppofrande duellspel, henholdsvis i ankelen og kneet. Duoen, som utgjorde ein solid forsvarstoar, er no imidlertid på bedringens veg. Vebjørn stod over treninga i ballbingen på lørdag, men det var like mykje utmattelse/gongsperre som skaden som var grunnen til det. Den andre duracellkanina Vegar, har på si side ikkje vorte heilt bra i kneet, men kunne i dag melde at det går bra og at det ikkje er noko å bekymre seg for. Når det gjeld resten av laget, er samtlige i god forfatning og alle har gått inn i ei ny treningsveke med stor motivasjon!


Treningskampen: Voksa FC - Kvamsøy IL 5-0

Av Eirik V. Bringsvor 28.01.11

..............................................................................................................................

Voksa FC styrte kampen frå start til slutt og var knusande overlegne då Kvamsøy vart slått 5-0 i treningskampen i kveld! Eit noko redusert bortelag hadde lite å stille opp med mot eit temposterkt og aggressivt VFC, og etter tre måls ledelse til pause, hadde Voksa god kontroll kampen ut. Dagens målscorarar var Vebjørn Støyle Bringsvor, Stian Sande (2), Eirik Voksøy Bringsvor og Kjell Even Toftesund. Det var sterk vind og regn gjennom heile kampen, men bana heldt seg meget god. Det er også verdt å nemne (og takke) alle dei oppmøtte, om lag 30 i talet, som var med på å gjere dette til ein festaften! Voksa-supportarane song og heia laget fram til seier i tidenes første heimekamp!


Kampfakta:
Oshaugane Stadion, Sandsøy, 28.januar 2011:
Voksa FC - Kvamsøy 5-0 (3-0)

Lagoppstilling Voksa FC: Eirik V. Bringsvor | Vegar Prozenko - Vebjørn S. Bringsvor | Stian Sande - Anders Bringsvor - Torstein H. Hansen | Kristoffer Strand
Benytta innbyttar: Kjell Even Toftesund (inn etter 10 min)

Lagoppstilling Kvamsøy IL: Aina E. Kvamme | Hans Jakob Kalsnes - Anders Støylen | Iver Viken - Espen Kvamme - Norvald Viken | Olav Støylen
Benytta innbyttarar: Simon Aron Brekke, Martin B. Ristesund, Roy André B. Olsen

Dommar: Svein Helge Bringsvor, Sandsøy
Tilskodartal: ca. 30

Kampen:
Før kampen var Voksa FC kanskje ein ørliten favoritt til å ta heim seieren, men likevel var det stillingskrig og lite sjansar i starten. VFC tok etterkvart kommandoen, og etter om lag halvspelt første omgong gjekk laget opp til 1-0 ved Vebjørn Støyle Bringsvor. Ei fin scoring etter at Vebjørn hadde komt framover på høgresida frå backposisjon. Han sette ballen oppe i høgre hjørne bak ein for dagen god Kvamsøy-keeper Aina E. Kvamme. Etter dette målet gjekk det berre ein veg, og bortelaget kom til brukbare sjansar berre ved eit par anledningar i tillegg til nokre hjørnespark. Etter litt klabb og babb i feltet sette debutant Stian Sande inn sitt første mål for VFC og førte med det laget opp i ein tomålsledelse. Men det stoppa ikkje der for verken Stian eller laget, for nokre minutt etter 2-0 scora han sitt andre for kvelden. Med det stod det 3-0 til pause.

I pausen ga Eirik V. Bringsvor keeperhanskane til nemnte Stian som då stod resten av kampen i mål. Eirik starta andre omgong som spiss, og etter nokre minutt sette han inn 4-0 etter at han sjølv vann ballen på midtbana og sette fart framover, før han limte ballen kontant i målet nede i venstre hjørne. Kampen var no i realiteten avgjort, og det roa seg litt ned. Voksa-supportarane song og laga ei god stemning på sidelinja, noko som gjorde sitt for at dette vart ein fin kveld, ril tross for ein del regn og vind. Men Voksa ga seg ikkje med fire mål. Den tredje debutanten, Kjell Even Toftesund, scora sitt første mål for klubben då han fastsette sluttresultatet til 5-0. Dette var eit fint mål då Kjell Even skar innover frå høgrekanten og slo til med venstreslegga. Skotet gjekk fint og velplassert i mål heilt nede ved venstre stolperot. 

Spelarbørs:
Vurdert av ass.trenar Sondre Voksøy Bringsvor
Kar.: 1-10

Eirik V. Bringsvor 8
Stod i mål i første omgang, og gjorde ein god og solid jobb. Hadde ikkje særleg mykje å gjere, men når han måtte i aksjon, vart det gjort med sikkerheit. Spelte som ein sweeper og tok dei fleste av gjennombrotsballane som kom. I andre omgang spelte han først som spiss, og teikna seg etter få minutt på scoringslista. Etterkvart vart han flytta bak i forsvaret, og spelte stort sett solid og bra, med unntak av eit par feilpasningar.

Vegar Prozenko 8
Spelte nesten heile kampen i forsvar. Fekk ei lita skade i kneet sekund før pause, men kom seg på bana igjen etter intensiv ising av skaden. Måtte likevel byttast ut om lag 10 minutt før slutt, fordi han måtte rekke ferga til Åram. Spelte stort sett sikkert og godt, og var tryggheita sjølv. Var kontant og kompromisslaus i involveringane sine, og var også med framover av og til utan å kome til dei store sjansane.

Vebjørn S. Bringsvor 9 BB
Viste stor innsatsvilje, duellkraft og lagmoral. Spelte heile kampen i forsvar, med unntak eit kvarter midt i andre omgong, då han måtte ut med skade i foten (enda meir ising). Skaden, som kom pga. ein av mange tøffe duellar, var heldigvis ikkje verre enn at han kom seg på bana igjen, og spelte like aggressivt resten av kampen. Sprang utretteleg opp og ned frå backposisjon heile kampen og krona dagen med å score opningsmålet. Lagets og banens beste i sterk konkurranse med resten av VFC-laget.

Stian Sande 7
Starta debutkampen på høgrekanten og spelte kreativt og godt i tillegg til å score to mål. Vart bytta ut og inn i første omgong, og spelte også ei periode som spiss. Vart litt anonym på topp, men dei to scoringane var eit pluss. Tok på seg keeperhanskane ved pause, og stod sikkert og godt i målet dei siste 40 minutta. Hadde ikkje mykje å gjere han heller, men tok det som kom og det han skulle. Hadde også ei veldig god redning.

Anders Bringsvor 7
Spelte heile kampen på sentral midtbane og gjorde ein solid jobb ikkje berre som ryddegutt, men også framover. Fekk likevel ikkje til det store framfor mål, for avslutningane gjekk enten over eller mange meter til side for Kvamsøy-buret. La ned fleirfoldige meter, og viste seg å vere veldig viktig for laget sjølv om dei store enkeltprestasjonane uteblei. Sterk 7-ar.

Torstein H. Hansen 7
La ned ein god jobb som kantspelar og stod bak mange små og store sjansar. Fekk til nokre gode driblingar, men innlegga vart som ved dei fleste andre på laget, hakket for upresise. Gjorde jobben sin også i det defensive arbeidet. Spelte jamt over ein god kamp i debuten.

Kristoffer Strand 7
Var livleg og aggressiv som spiss, og var med på nokre fine kombinasjonar. Spelte også ein del på høgre midtbane der han jobba godt og kom rundt på kanten ved fleire anledningar. Gjekk litt tom mot slutten, men hadde all grunn til å vere det etter god innsats. Det einaste som mangla var ei scoring som hadde vore vel fortent!

Kjell Even Toftesund 7
Starta kampen på benken. Kom inn etter 10 minutt, og la ned ein heroisk innsats på begge kantane både framover og bakover. Kom til mange gode sjansar, og burde med fordel ha spelt ballen vidare ved nokre anledningar. Eit fint mål etter skot med venstrefoten trekker likevel opp, så 7-aren var vel fortent i debuten for Voksa FC.

Før kampen: Voksa FC - Kvamsøy IL

Av Eirik V. Bringsvor 27.01.11

..............................................................................................................................  

I morgon kveld er det som kjent duka for tidenes viktigaste og mest prestisjefylte kamp for Voksa Football Club, når Kvamsøy IL gjestar Oshaugane Stadion til flomlyskamp! Dei siste dagane har det vore jobba intens for å få på plass mannskapet, men brikkane ser no ut til å leggje seg der dei skal. Vi på VFC Nett har sett nærmare på ståa eit døgn før avspark. 

Voksa FC stiller med dette laget i årets første kamp: Anders Bringsvor, Kristoffer Strand, Stian Sande, Eirik Voksøy Bringsvor, Vegar Prozenko, Vebjørn Støyle Bringsvor, Torstein Helland Hansen og Kjell Even Toftesund. I tillegg vil det bli tatt seine avgjerdsler om også Ingar Støyle Bringsvor og Haakon Kristian Våge Støyle blir med i troppen. Av desse ligg Stian, Torstein og Kjell Even, i tillegg til dei to sistnevnte, an til å debutere for klubben!

Voksa FC vil nødig gå ut med detaljert taktikk og speleplan, men kan likevel røpe at Stian Sande vil vokte buret i alle fall første omgang. Utover det er mykje framleis usikkert. Kristoffer Strand, var sisteskanse i Castrol Cup, er ikkje aktuell til keeperplassen pga. ei skade i handa, men vil heller ta plass på ein kant eller lengst framme. Vidare kan Eirik V. Bringsvor vere aktuell som keeper, og dei som hugsar sist sommar, vil nok nemne Anders "Lindegaard" Bringsvor som ein ikkje ueffen kandidat til å bere hanskane.

Sannsynleg lagoppstilling VFC (formasjon: 2-3-1): Stian Sande | Vegar Prozenko - Vebjørn S. Bringsvor | Kristoffer Strand - Anders Bringsvor - Torstein H. Hansen | Eirik V. Bringsvor.

Det er ganske usikkert kor sterkt lag Kvamsøy stiller med, men vi reknar med at det er eit slagkraftig lag som vil by Voksa på hard kamp. Det største spørsmålstegnet (også) for KIL er keeperplassen. Kanskje vil vi bli overraska når vi ser kven som står bakerst for bortelaget!? Med tanke på utfall av kampen vil det uansett vere galskap å tippe eit konkret sluttresultat då det er stor usikkerheit eigentleg rundt begge laga, men alt anna enn Voksa-seier vil vere å rekne som ein nedtur. Uansett ligg alt til rette for ein fartsfylt og spennande kamp på Sandsøya fredag. Etter rykta skal visstnok "heile øya" og vel så det no vite om kampen, og VFC-ledelsen ventar ein del tilskodarar. Uansett vil klubben sette tilskodarrekord sidan dette er den første heimekampen i klubben si historie. Klubbledelsen har organisert eit stort arrangement med bla.a. kiosk med diverse godbitar. Møt opp til ein magisk "Champions League-kveld" på Oshaugane Stadion i morgon kl. 19.00!

VFC Nett vil kome tilbake med alt etter kampen og VFC TV vil også etterkvart sende eit nytt program med fokus på kampen!


Bekrefta: Kvamsøy IL kjem til Oshaugane Stadion no fredag!

Av Eirik V. Bringsvor 25.01.11

..............................................................................................................................

Etter eit par dagar med intens arbeid, kan VFC no bekrefte at klubben har spikra den lenge omtala treningskampen og prestisjeoppgjeret mot Kvamsøy IL, og kampen vil no bli spela komande fredag på Oshaugane Stadion kl. 19.00.


Endeleg på lufta att!

Av Kristoffer Strand 25.01.11

..............................................................................................................................  

Endelig er ventetida over, årets første nett-tv er på lufta og klubbdirektør Kristoffer Strand, som tidlegare var ute og beklaga forsinkinga kunne puste letta ut. – Ja, klubben har jobba på spreng for å få orden på dei tekniske problema, vi måtte til og med leie inn "proff-hjelp" nemleg kameraeksperten Ingar Støyle Bringsvor. Han trong ikkje meir en ein time på det som til da allereie hadde tatt en dag!  Men eg er glad vi no kan legge dette bak oss og eg kan no love dykk ei sending dykk seint vill gløyme, sa ein hemmeleghetsfull klubbdirektør, så da gjenstår det berre å sjå da om han har rett...

Her finn du VFC TV!


Voksa FC - Kvamsøy mest truleg allereie komande fredag

Av Eirik V. Bringsvor 23.01.11

..............................................................................................................................  

Ledelsen i Voksa FC kan i dag søndag melde om at den tidlegare annonserte treningskampen mot Kvamsøy mest truleg blir spelt allereie neste helg. Klubbdirektør Kristoffer Strand og daglig leder Eirik Voksøy Bringsvor kunne etter eit kort møte på tre timar fastslå at ein no prøvar alt ein kan for å få på plass både spelarar og arrangement i løpet av dei neste dagane slik at kampen kan bli spelt fredag kveld på Oshaugane Stadion på Sandsøya med avspark truleg rundt kl. 19.00. Direktøren tok straks kontakt med Kvamsøy-trenar Asbjørn Støylen som sa at det skulle la seg gjere å få det til. Vi vil likevel nemne at dette er høgst uoffisielt og at ei avlysing/utsetting av kampen kan skje, men det ser no ut som at både vêrutsiktene og alt anna legg til rette for at det kan la seg gjennomføre. Så snart dette er bekrefta, er det berre å spreie ryktet, slik at Voksa Football Club kan setje tilskuarrekord!


Ryktebørsen: Liverpool siklar etter VFC sin assistenttrenar?

Av Eirik V. Bringsvor 22.01.11

..............................................................................................................................

Av uvisse grunnar skal den engelske klubben Liverpool FC angivelig vere ute etter å sikre seg Voksa FC sin assistenttrenar Sondre Voksøy Bringsvor som erstattar for midlertidig manager Kenny Dalglish, som etter planen skal lede laget fram til sesongslutt. Dei usikre rykta seier at Bringvor visstnok skal vere den perfekte arvtakaren for Dalglish som hovudtrenar på Anfield. Ledelsen i VFC seier i ein kort kommentar at rykta ikkje er kjende, men at om det er hold i dei, vil klubben gjere alt som skal til for å behalde assistenttrenaren. Som vi ser på bildet til høgre, kan det fort vere hold i rykta, men følg med på her på sida om det skulle skje meir rundt saka!


Gratulerer med dagen!

Av Eirik V. Bringsvor 14.01.11

.............................................................................

VFC Nett vil nytte høvet til å gratulere klubbdirektør, VFC-spelar, keeper, programledar, sportsansvarlig, medlemsansvarlig, mediesjef, banemann, webmaster, anleggsansvarlig og alt-mulig-mann Kristoffer Strand med den 19. bursdagen på rad! VFC håper at dagen blir raud, samtidig som heilagdagen blir brukt til det aller helligaste, nemlig arbeid i og rundt klubben. Ryktet seier at dagen i tillegg til trening, vil bli brukt til å lage VFC TV. Sånn skal det vere!



Direktørens spalte: Livet etter cupen

Av Kristoffer Strand 13.01.11
...............................................................................................................................

Historiske! 

Som kjent var Voksa FC med i sin første turnering og spilte sin første kamp ”EVER” som klubb 30.12.2010. Det gikk både litt opp og langt ned, men det klubben kunne ta med seg videre, var at Voksa FC på denne dag blei historiske!

Hvor var du 25.februar 1982 da Oddvar Brå brakk staven, hvor var du 30.desember 2010 da Voksa FC vant sin første kamp?? Disse store hendelsene har mange likhetstrekk, og en ting er sikkert: Når disse spørsmålene dukker opp kan jeg med handa på hjertet si: - Jeg var der. Jeg så VFC vinne sin første kamp! Oddvar Brå vil aldri brekke en stav igjen, og Voksa FC vil aldri vinne klubbens første kamp igjen.


VFC TV med tekniske problem - neste sending utsatt

Av Kristoffer Strand 09.01.11

.............................................................................................................................. 

Planen var at VFC TV skulle komme med ei ny sending i løpet av den kommande veka, men på grunn av tekniske problem må nok dei faste TV-sjåarane belage seg på å vente. 

Klubbdirektør Kristoffer Strand tek imidlertid saken med knusande ro, og beroligar sjåarane: - Vi beklager sjølvsagt forseinkinga, men slik er no denne teknologien. Vi reknar med at neste VFC TV blir forsinka med ca. ei veke. Vi håpar imidlertid ikkje at denne hendinga vil føre til at vi mistar faste TV-sjåarar, seier Strand før han understrekar at det har vore fantastisk aktivitet på sida den siste tida og håpar dette vil halde fram.


Ro i rekkene på Voksa Stadium

Av Eirik V. Bringsvor 06.01.11

..............................................................................................................................

Dei første dagane i det nye og ubrukte 2011 har vore rolege for Voksa FC. Det har ikkje vore særleg mykje å melde om her på nettsida, og kvardagen har gjort sitt inntog. Delar av spelargruppa har gjennomført eit par treningar i gymsalen på Kvamsøya sidan cupen for ei veke sidan. Etter litt kvile no rundt nyttår, skal treninga igjen takast opp, og det vil kome til å skje meir rundt klubben etterkvart. VFC TV jobbar no med å lage ei ny sending, som blant anna vil innehalde oppsummering av Castrol Cup. Det er venta at sendinga kjem på nett innan fire-fem dagar. Så det er berre å fortsette med å følge med her på VFC Nett!

Arkivet


...........................................

Heile 2010

Januar-mars 2011 (du er her)

April-juni 2011

Juli-desember 2011

Januar-mars 2012

April-juni 2012

Juli-september 2012

Oktober-desember 2012

Januar-mars 2013

April-juni 2013

Juli-september 2013

Oktober-desember 2013

 
 
 
Make a Free Website with Yola.